Unha persoa resulta intoxicada na súa casa da Guarda polo fume dun incendio na súa vivenda

Unha persoa resultou intoxicada este martes polo fume xerado no incendio da súa vivenda na Guarda.

Un particular chamou ao 112-Galicia ao redor das 14,30 horas ao ver que ardía un piso situado na rúa Circunvalación. O alertante indicaba que non sabía se había alguén dentro da vivenda.

Emerxencias mobilizou entón aos Bombeiros de Baixo Miño, ao GES da Guarda, á Policía Local e á Garda Civil. O 061 tivo que trasladar a unha persoa afectada por inhalación de fume ao hospital.

Os membros do GES indicaron ao 112 que ardera a campá extractora e que se viron afectados os mobles de ao redor. O lume xa fora apagado polo dono do piso.

Ambulancia do 061-Urxencias Sanitarias de Galicia | Fonte: URXENCIAS SANITARIAS-061 - Arquivo