Un xabarín provoca un accidente múltiple en Narón con dous feridos
Houbo tres coches implicados na colisión
Por Galicia Confidencial | Narón | 20/11/2024 | Actualizada ás 10:33
A pasada noite os servizos de emerxencias tiveron que acudir á AG-64 no lugar de Sedes, no municipio de Narón, tras rexistrase unha colisión múltiple orixinada polo atropelo dun xabaril.
Segundo informou o 112 Galicia, o sinistro ocorreu no quilómetro 7, cando un dos vehículos arroiou a un xabaril, que quedou morto na calzada. A continuación, outros dous coches acabaron chocando contra o primeiro vehículo, e dúas persoas resultaron feridas.
Trátase dun home de 24 anos de idade, A.C.A., e outro home, de 28 anos, C.G.P., e ambos foron trasladados en ambulancia ao Hospital Arquitecto Marcide (Complexo Hospitalario Universitario de Ferrol). Neste operativo participaron, ademais dos efectivos de Urxencias Sanitarias 061, a Garda Civil de Tráfico e os servizos de mantemento da autovía.
