Un dos grandes guindastres de Navantia Ferrol cae ao mar

Unha dos guindastres 'cegoña' de Navantia Ferrol precipitouse á primeira hora da mañá deste sábado, 23 de novembro, ao mar, nun incidente acontecido debido a que impactou contra ela o guindastre do buque 'Brave Tern', que leva meses en reparación na ría de Ferrol, primeiro na antiga Astano e agora en Bazán.

No momento do accidente na zona había fortes refachos de vento. Segundo fontes de Navantia, a manobra levábaa a cabo o armador asistido por prácticos e remolcadores do porto.

Aseguran que "por razóns que se están investigando", nesta manobra o guindastre do 'Brave Tern' derrubou o guindastre do peirao do estaleiro que caeu ao mar sobre unha batea. Desta forma, e de forma inmediata, por parte do estaleiro activouse o comité de emerxencia e puxéronse en marcha os protocolos establecidos.

Neste incidente ningunha persoa resultou ferida e Navantia mobilizou todos os medios para o control e seguimento da situación, que non supón ningún risco para persoas nin instalacións.

Caída do guindastre do Porto de Ferrol | Fonte: puentedemando.com