A selectividade de 2025 en Galicia: arrinca con Lingua Castelá e o exame de Galego será o último día

A Comisión Interuniversitaria de Galicia (CiUG) xa publicou na súa páxina web os horarios da nova selectividade, que en 2025 pasará a chamarse Proba de Acceso á Universidade (PAU). Os exames celebraranse entre o martes 3 e o xoves 5 de xuño en case toda España e, na Comunidade galega, arrincarán co de Lingua Castelá e Literatura.

Outra das novidades que inclúe o plan da CiUG é que a proba de Lingua Galega e Literatura será o último día, cando este 2024 foi o primeiro exame. Isto implicará que todos os estudantes deberán acudir durante o tres xornadas, cando o habitual era que na última celebrásense só exames dalgunhas materias optativas, polo que había alumnos que xa non tiñan que ir.

Cabe lembrar que as probas para acceder á universidade sufrirán cambios en 2025, tras o acordo para homoxeneizalas asinado polas comunidades autónomas gobernadas polo PP e a intención do Ministerio de Educación por facelas máis competenciais. Neste contexto, a Conferencia de Reitores das Universidades Españolas pactaron fixar a PAU nas mesmas datas en toda España, fóra de Cataluña.

Así, en Galicia iniciarase ás 9.00 horas do martes 3 de xuño cunha introdución na que os aspirantes recibirán información de como se desenvolverán o tres xornadas. Tras isto, chegará o primeiro exame, o de Lingua Castelá e Literatura, de 9.30 a 11.00 horas. Durará dúas horas, cando ata o momento eran de hora e media. Tras o descanso, as probas continúan cos exames das asignatuas a escoller de Historia de España e Historia da Filosofía, entre as 12.00 e as 13.30 horas.

A primeira xornada retómase ás 16.00 horas cos exames de Bioloxía, Tecnoloxía e Enxeñaría II, Empresa e Deseño de Modelos de Negocio e coa segunda lingua estranxeira: Alemán, Francés, Inglés, Italiano e Portugués. Tras o descanso das 17.30 a 18.00 horas, será a quenda dos estudantes que se examien de Física, Grego, Fundamentos Artísticos e Historia da Música e da Danza. A sesión do martes conclúe así ás 19.30 horas.

SEGUNDA E TERCEIRA JORNDA

A segunda xornada, a do mércores 4 de xuño, arrincará ás 9.30 horas coa proba da primeira lingua estranxeira: Inglés, Francés, Alemán, Portugués e Italiano. Tras o descanso (11.00-11.30 horas), renóvanse os exames con Matemáticas II, Latín II, Debuxo Artístico II, Artes Escénicas e Ciencias xerais.

A sesión da tarde inicia ás 16.00 horas coas probas de Química, Xeografía, Deseño e Movementos Culturais e Artísticos. Tras o descanso das 17.30 a 18.00 horas, a xornada finaliza coas probas de Xeoloxía e Ciencias Ambientais, Historia da arte, Técnicas de Expresión Gráfico-plástica e Literatura Dramática.

A última xornada de exames, o xoves 5 de xuño, comezará coa proba de galego, que tras o descanso das 11.00 a 11.30 horas, dará paso aos exames de Debuxo Técnico II, Matemáticas Aplicadas aos CC. Sociais II, Debuxo Técnico Aplicado ás AA.PP. e ao Deseño II e Análise Musical. Así, ás 13.00 horas do xoves, daranse por concluídas as probas da PAU de 2025.

Estudantes esperan antes de comezar as probas de acceso á universidade, a 7 de xuño de 2022, en Santiago de Compostela / Álvaro Ballesteros - Arquivo / Europa Press