O Parlamento galego apoia aos 8 de Airbus

Os coñecidos como  os 8 de Airbus, os sindicalistas acusados de varias lesións a policías, recibiron este mércores o apoio de todos os grupos do Parlamento de Galicia.

Nun escrito, a Cámara galega mostra no seu escrito o seu respaldo aos sindicalistas "na confianza da súa honradez" e "no recoñecemento do seu longo labor durante anos, que reportou beneficios á empresa e ao conxunto de traballadores e traballadoras".

Ademais, a declaración destaca que o Parlamento se compromete "a utilizar todos os medios” ao seu alcance “para defender o dereito á folga e os demais dereitos de traballadores e traballadoras e a liberdade de expresión da cidadanía".

Estes oito sindicalistas están acusados de varios delitos de atentado, lesións e contra o dereito dos traballadores, polos que a Fiscalía pide para cada un deles penas de oito anos e tres meses de prisión.