Un condutor envorca na AC-460 á altura de Oroso tras quedar durmido ao volante
O suceso aconteceu sobre as 6.25 horas na parroquia de Trasmonte e o condutor tivo que ser trasladado ao Hospital Clínico de Santiago.
Por Europa Press / Redacción | SANTIAGO DE COMPOSTELA | 30/12/2024 | Actualizada ás 10:20
Un condutor resultou ferido este luns tras quedar durmido ao volante e saírse da vía, na AC-460, no municipio coruñés de Oroso, segundo informou o CIAE 112 Galicia. O accidente ocorreu sobre as 6.25 horas deste luns, cando un particular chamou a Emerxencias para alertar de que un condutor se quedou durmido e se saiu da estrada á altura da parroquia de Trasmonte. Segundo esta alerta, o implicado atopábase atrapado no vehículo.
O 112 deu aviso aos bombeiros de Ordes, que tiveron que facer uso do material de excarceración para liberar á vítima. Unha vez rescatado, o condutor foi trasladado nunha ambulancia do 061 ao Hospital Clínico Universitario de Santiago de Compostela. Ademais dos bombeiros e dos servizos sanitarios, no operativo tamén participaron efectivos da Garda Civil de Tráfico e de Protección Civil.
