O BNG pide defender ao sector do taxi ante a "subida abusiva" dos seguros

O deputado do BNG no Congreso, Néstor Rego, pediu á Dirección Xeral de Seguros do Ministerio de Economía que evite que as aseguradoras poidan practicar subidas desproporcionadas. O parlamentario autonómico rexistrou novas iniciativas para que o Executivo estatal garanta ao sector do taxi pólizas de seguro "xustas".

"O aumento desproporcionado e inxustificado que se está producindo neste tipo de seguros debe ser atendido pola Dirección Xeral de Seguros e evitar que as aseguradoras leven a cabo este tipo de prácticas", asegura Rego. A organización nacionalista defende atallar este problema no sector e impedir que esta situación comprometa economicamente a miles de profesionais, pondo en risco a súa viabilidade futura.

Segundo reclama o BNG, o Ministerio de Economía, concretamente a Dirección Xeral de Seguros, debe supervisar as operacións que se están producindo con respecto á "subida inxustificada e desproporcionada" no prezo das pólizas para evitar que as aseguradoras poidan realizar estas prácticas que non se axustan á evolución do risco.

O deputado do BNG, Néstor Rego, intervén durante unha sesión plenaria extraordinaria, no Congreso dos Deputados, a 22 de xaneiro de 2025, en Madrid (España).. Gabriel Luengas - Europa Press | Fonte: Europa Press