Un choque de seis coches provoca un ferido e grandes retencións na AP9 sentido Coruña

O tráfico na AP9 circula lentamente ata a reapertura dun carril para a circulación tras a colisión entre seis vehículos no quilómetro 54, sentido Coruña, Oroso, segundo informou Emerxencias 112 Galicia. E provocou un ferido.

No accidente múltiple unha persoa resultou ferida de carácter leve. Ata o lugar desprazáronse sanitarios de Galicia 061 e a Garda Civil de Tráfico que regula o tránsito.