A Deputación da Coruña inviste 18,5 millóns en obras municipais nas comarcas da Coruña e As Mariñas
O presidente da Deputación, Valentín González Formoso, puxo o foco no papel da Xunta no contexto actual de incremento de custos nos servizos básicos municipais, ao recriminar máis apoio por parte do Goberno autonómico
Por E.P. | SANTIAGO DE COMPOSTELA | 30/01/2025 | Actualizada ás 19:25
A Deputación da Coruña destinará este ano un total de 18.445.191 millóns de euros para diversas obras nos 19 concellos das comarcas da capital e As Mariñas, enmarcados no Plan de Obras e Servizos, o que supón o orzamento inicial máis alto desde a creación do plan en 2017 e un 72 por cento máis que o ano anterior.
Estes datos foron achegados polo presidente da Deputación, Valentín González Formoso, e a deputada de Plans Provinciais, Cristina Rey García, na presentación do balance do Plan Único de Concellos, este xoves en Sada, xunto ao alcalde da localidade, Benito Portela, segundo informou a Deputación nun comunicado.
Durante a súa intervención, Rey destacou que este plan é "esencial" para os concellos da provincia" e que nalgúns casos supón "ata o 25 por cento" do seu orzamento.
Do mesmo xeito, tamén resaltou que este plan "promove un impacto socioeconómico "moi positivo", ademais de mellorar a "calidade de vida" dos cidadáns. Nesta liña, Portela destacou desta iniciativa, que se non fóra por ela, "quedarían moitas facturas sen pagar"
Esta iniciativa financiou 815 obras e mobilizado 148,5 millóns de euros. Este ano, os concellos que máis investimento recibirán serán Arteixo (2.144.067 euros), Oleiros (2.012.301 euros) e Culleredo (1.825.585 euros).
Aínda que, no total de actividade do plan, os concellos máis beneficiados son Oleiros (16.002.078 euros) e Culleredo (15.862.910 euros).
A DEPUTACIÓN DA CORUÑA PIDE MÁIS APOIO POR PARTE DA XUNTA
Durante o acto, Formoso puxo o foco no papel da Xunta no contexto actual de incremento de custos nos servizos básicos municipais, ao recriminar máis apoio por parte do Goberno autonómico.
Así pois, Formoso reivindicou que a Deputación investiu máis de 100 millóns "só" nos municipios coruñeses, mentres que o Fondo Galego de Cooperación Local da Xunta destinou "116 millóns de euros" aos 313 concellos existentes en Galicia.
