Catro homes rouban 100 metros de cable de cobre valorados en 1.800 euros do tendido telefónico de Moeche

A Garda Civil detivo a dous veciños de Ferrol e dous de Narón que roubaron 100 metros de cable de cobre do tendido telefónico en Moeche. Segundo informou o Instituto Armado, os feitos xurdiron tras unha denuncia interposta este 31 de xaneiro polo responsable dunha empresa de mantemento da compañía telefónica propietaria da liña. Desta forma, comunicou que subtraeran o cable de cobre do tendido telefónico entre os postes 37 e 38 da estrada DP-4904, no termo municipal de Moeche, valorando os danos en 1.800 euros. A Garda Civil comezou unha investigación na que identificaron aos presuntos autores dun delito de roubo e foron detidos.

Coche da Garda Civil | Fonte: Arquivo