Hospitalizado un bombeiro tras un infarto mentres apagaba o lume nunha vivenda
O home, de 61 anos, acudíu ao incendio dunha vivenda de Ponteareas.
Por Europa Press / Redacción | VIGO | 11/02/2025 | Actualizada ás 11:07
Un bombeiro, A.G.R., de 61 anos de idade, tivo que ser evacuado a un centro hospitalario ao sufrir unha parada cardiorrespiratoria mentres participaba nun operativo de extinción no municipio de Ponteareas.
Segundo informou o CIAE 112 Galicia, un particular chamou a Emerxencias sobre as 21,40 horas deste luns, para alertar de que estaba a saír moito fume dunha cheminea nunha vivenda próxima á súa. O alertante tamén informaba de que non parecía que houbese ninguén na vivenda, situada en cálea San Vicente.
O 112 alertou aos bombeiros de Ponteareas, que acudiron ao lugar e extinguiron as chamas, informando de que o lume afectara ao revestimento do tubo interior da cheminea. No transcurso da intervención, un dos integrantes do retén entrou en parada cardiorrespiratoria. Ata o punto desprazáronse dúas ambulancias de soporte vital básico, unha ambulancia medicalizada e persoal de Atención Primaria, segundo informou o 061.
Finalmente, o bombeiro foi trasladado ao hospital Álvaro Cunqueiro, xa co pulso recuperado. Neste operativo, ademais dos bombeiros e de efectivos de Urxencias Sanitarias de Galicia-061, participaron membros da Garda Civil e da Policía Local de Ponteareas.
