Alfonso Basterra publica a súa primeira novela, escrita desde prisión, e adicada á súa filla Asunta
O xornalista Alfonso Basterra, que se atopa en prisión cumprindo condena polo asasinato da súa filla Asunta en 2013, publicou a súa primeira novela, 'Cito', da man de Edicións Vitruvio, e que dedica á nena.
Por Europa Press / Redacción | SANTIAGO DE COMPOSTELA | 10/02/2025 | Actualizada ás 18:19
O xornalista Alfonso Basterra, que se atopa en prisión cumprindo condena polo asasinato da súa filla Asunta en 2013, publicou a súa primeira novela, 'Cito', da man de Edicións Vitruvio, e que dedica á nena. Segundo informou a editorial nun comunicado, Basterra escribiu a novela desde a prisión de Teixeiro, e nela cóntase "unha historia de amor e desamor", a través dun médico dun pobo situado en Castela e León, ambientada no rural nos anos 40, "pero cunha visión máxica".
A editorial tamén informou de que Basterra "continúa escribindo unha segunda parte, e deixando que a literatura lle axude no seu día a día". Alfonso Basterra foi condenado pola Audiencia Provincial da Coruña a 18 anos de prisión polo asasinato da súa filla Asunta, de 12 anos, cuxo cadáver apareceu nunha pista forestal de Teo en setembro de 2013. Á mesma pena foi condenada a nai da menor, Rosario Porto, que se quitou a vida na prisión de Brieva, en novembro de 2020. As condenas foron ratificadas polo Tribunal Superior de Xustiza de Galicia primeiro e, posteriormente, polo Tribunal Supremo.
