Morre un conductor de 83 anos nunha saída de vía en Chantada
Outro home tivo que ser evacuado en helicóptero tras un accidente en Cercido.
Por Europa Press / Redacción | LUGO | 11/02/2025 | Actualizada ás 13:41
Un home de 83 anos morreu na mañá deste martes ao sufrir unha saída de vía co seu vehículo cando circulaba por unha estrada no municipio lugués de Chantada. O sinistro tivo lugar ás 09,45 horas deste martes no punto quilométrico 36,700 da estrada que une Monforte e Lalín , segundo informou a Garda Civil.
O coche que manexaba o falecido saíu da estrada pola marxe dereita. A consecuencia do impacto, morreu no acto o condutor, veciño de Chantada e que viaxaba só no momento do accidente.
ACCIDENTE CERDIDO
Por outra banda, o copiloto dun turismo que sufriu unha saída de vía na estrada AC-862, ao seu paso polo municipio coruñés de Cerdido, tivo que ser trasladado polos servizos sanitarios en helicóptero medicalizado.
Segundo informou o 112 Galicia, o sinistro tivo lugar sobre as 10.00 horas deste martes. Un particular alertou á central de emerxencias de que un turismo se saíu da vía no quilómetro 34 da AC-862.
