O BNG esixe a Transportes explicacións por "deficiencias" en seis túneles do AVE a Galicia
Os nacionalistas apuntan a que ADIF fixo pública a adxudicación das obras para a ampliación dos corredores de evacuación en seis dos túneles da liña de alta velocidade que conecta Galicia coa meseta
Por E.P. | SANTIAGO DE COMPOSTELA | 11/02/2025 | Actualizada ás 19:20
O BNG rexistrou unha pregunta no Congreso ao Ministerio de Transportes para que dea explicacións sobre "deficiencias" detectadas en seis túneles do AVE a Galicia.
O deputado do BNG no Congreso, Néstor Rego, esixe coñecer toda a información relacionada con estes túneles e as obras relativas a melloras de seguridade.
Apunta que ADIF fixo pública a adxudicación das obras para a ampliación dos corredores de evacuación en seis dos túneles da liña de alta velocidade que conecta Galicia coa meseta. Considera que a actual disposición implica problemas de accesibilidade e dificultaría unha eventual evacuación no caso de que un tren quede bloqueado no interior do túnel, como xa ocorreu recentemente.
As actuacións previstas teñen un prazo de execución de dez meses e un orzamento dun seis millóns de euros. Prevense nos túneles de Hedroso, Lubián, A Canda, Bouzas e Casáresvos.
"Como se van a coordinar estas actuacións coas obras xa están adxudicadas? Non debería actuar con maior axilidade se o problema foi detectado en 2021?", cuestiona Rego.
