Rueda advirte que a viabilidade do sector marisqueiro non só depende das axudas públicas
Aposta por analizar as causalidades que afectan á situación do sector.
- A agonía do marisqueo a pé, o caso de Vilaxoán: "O marisco non medra, non dá o talle, nunca pasou algo así"
- A agonía do marisqueo a pé, o caso de Carril: "Entre o cambio climático, os encoros e a Xunta, estannos matando"
Por Galicia Confidencial | Compostela | 17/02/2025 | Actualizada ás 20:30
O presidente da Xunta de Galicia, Alfonso Rueda, recoñeceu este luns que é coñecedor da preocupación do sector marisqueiro galego que denuncia a mala situación na que se atopa, tanto pola pouca produción existente como pola falta de axudas gubernamentais.
"É certo que hai preocupación para un sector que moi importante para Galicia", dixo Rueda na rolda de prensa posterior ao Consello da Xunta a preguntas do GC. Con todo, sinalou que esta mala situación débese a distintos factores, entre eles, o cambio clmático ou a variación da temperatura das augas das rías.
"É certo que temos que facer un esforzo importante desde a administración pero non que a viabilidade sexa só grazas a axudas públicas", suliñou. Por iso, fixo un chamamento ao sector para que analicen outras vías porque o seu problema, insistiu "non se soluciona só con axudas públicas".
