Detidas catro persoas nun amplo despregamento da Garda Civil en Ourense no marco dunha investigación
Este martes, varios efectivos da Garda Civil participaron nun rexistro nun garaxe na rúa Sáenz Díez, á altura do numero 42, con apoio do Servizo Cinolóxico (equipo canino) e de helicópteros.
Por E.P. | SANTIAGO DE COMPOSTELA | 18/02/2025 | Actualizada ás 13:27
A Garda Civil despregou na mañá deste martes un amplo dispositivo no centro da cidade de Ourense, no marco dunha operación na que hai catro persoas detidas, e na que se están levando a cabo entradas e rexistros nesta xornada, segundo informaron fontes da Comandancia e do Tribunal Superior de Xustiza de Galicia (TSXG).
Polo momento, non transcendeu o delito ou delitos que se lles atribúen aos detidos, e o único que se sabe é que a investigación, coordinada por un xulgado de Bande, está baixo segredo de sumario.
Este martes, varios efectivos da Garda Civil participaron nun rexistro nun garaxe na rúa Sáenz Díez, á altura do numero 42, con apoio do Servizo Cinolóxico (equipo canino) e de helicópteros.
