Dá positivo en drogas e alcol mentres transportaba a sete escolares
Por Europa Press / Redacción | OURENSE | 18/02/2025 | Actualizada ás 17:38
A Garda Civil interceptou nun control a un condutor de bus escolar que deu positivo en alcol e cocaína, e que estaba a iniciar a ruta nese momento, transportando a 7 menores, de idades comprendidas entre 6 e 12 anos.
O control realizouse a principios deste mes, por parte de efectivos do subsector de Tráfico da Garda Civil de Ourense, e arroxou un resultado do test de alcoholemia de 0,22 e 0,19 mg/l; mentres que deu resultado positivo para cocaína no test de detección de drogas. Estes resultados foron confirmados polo laboratorio homolagado, que tamén constatou a presenza de benzodiacepinas no organismo do chofer.
O condutor enfróntase, como mínimo, a unha sanción administrativa de 1.000 euros e á retirada de 6 puntos do seu permiso de conducir. En calquera caso, a Garda Civil puntualizou que este tipo de condutas son "casos illados e puntuais" e que o transporte escolar "segue sendo a día de hoxe un dos modos de transporte máis seguro".
