A XVI Feira de Artesanía do Ferro será o vindeiro 20 de abril
O evento contribúe a divulgar o oficio tradicional do ferro, a poñer en valor o labor dos ferreiros e a fomentar a remuda xeracional.
Por Galicia Confidencial | Riotorto | 22/02/2025 | Actualizada ás 11:00
O Xunta de Galicia apoiará a XVI Feira de Artesanía do Ferro, evento que terá lugar o vindeiro 20 de abril e que organizan o Concello e a Asociación para a Promoción Social dos Ferreiros de Riotorto co apoio do Goberno galego.
Semanas atrás o conselleiro de Emprego, Comercio e Emigración, José González, acompañado polo director xeral de Comercio e Consumo, Gabriel Alén, e pola xerente da Fundación Artesanía de Galicia, Elena Fabeiro reuníanse co alcalde de Riotorto, Clemente Iglesias, para abordar distintos aspectos relacionados coa celebración da feira.
Este evento contribúe a divulgar o oficio tradicional do ferro, estreitamente vinculado á zona oriental da provincia de Lugo, e a poñer en valor o labor dos ferreiros fomentando a remuda xeracional. Con ese fin, contará cun amplo programa de actividades que se están a perfilar e entre as que se inclúen as demostracións ao vivo e obradoiros relacionados con este oficio.
