A facturación da industria galega sobe un 2,2% a pesares da caída no estado.
O sector servizos rexistrou un aumento da súa facturación de 6,5% en xaneiro.
Por Europa Press / Redacción | Santiago de Compostela | 21/03/2025 | Actualizada ás 10:07
A cifra de negocios da industria galega subiu un 2,2% en xaneiro en relación co mesmo mes de 2024, segundo datos publicados este venres polo Instituto Nacional de Estatística (INE), recollidos por Europa Press.
Esta cifra contrasta coa o rexistrada a nivel estatal, xa que no total de España a facturación da industria caeu un 0,4% o primeiro mes do ano. A nivel estatal, a cifra de negocios da industria baixou un 0,4% en xaneiro en relación ao mesmo mes de 2024, taxa que contrasta co repunte do 6,9% rexistrado no mes anterior, sempre segundo datos do INE.
Así, co descenso de xaneiro, as vendas da industria volven a terreo negativo. En catro dos últimos seis meses, o sector rexistrou taxas interanuais negativas na súa facturación, sendo a caída máis pronunciada neste período a do mes de agosto, cando retrocedeu un 4,3%.
SERVIZOS
Tamén o sector servizos rexistrou un aumento da súa facturación de 6,5% en xaneiro en relación ao mesmo mes de 2024, segundo datos publicados este venres polo Instituto Nacional de Estatística (INE), recollidos por Europa Press.
Esta cifra supón un incremento superior ao da media estatal, xa que no total de España os ingresos do sector servizos subiron un 5,5% o primeiro mes do ano, taxa sete décimas superior á do mes anterior e a máis elevada desde o pasado mes de outubro. Pola súa banda, a ocupación no sector servizos galego creceu un 1,7% en xaneiro, respecto ao mesmo mes de 2024, a pesar de baixar un 1,5% en comparación con decembro.
