O sector da alimentación, refuxio en época de crise

A alimentación é un dos poucos sectores que non sofre as virulencias cambiantes do mercado internacional. En tempos nos que xa se fala de recesión económica polas errática política do populista Trump, Gadisa Retail potencia a franquía Claudio con oito aperturas en catro comunidades autónomas, segundo informa.

A compañía 100% galega pechou o primeiro trimestre do ano con 245 puntos de venda franquiciados ao incorporar oito Claudio Express en Galicia, Asturias, Madrid e Castela e León. "Máis de 1.000 persoas traballan nesta liña de negocio, cuxo dinamismo parte do compromiso da empresa coa proximidade, o desenvolvemento económico local e a xeración de oportunidades laborais e de emprendimiento", explica.

Foron oito aperturas en catro comunidades autónomas diferentes. Este é o balance da franquía Claudio de Gadisa Retail no primeiro trimestre do 2025. "Un avance que continúa a tendencia dos últimos anos, nos que este modelo de negocio experimentou un crecemento notable desde o compromiso coa proximidade, o afán de prestar un servizo esencial á poboación e o de contribuír á dinamización socioeconómica de diferentes contornas a través da creación de oportunidades laborais e de emprendimiento".