Temas: ELECCIóNS FORO GALEGO

O Foro Galego aposta por impulsar unha candidatura de confluencia para as autonómicas

O alcalde de Vimianzo valora a iniciativa dos seus homólogos de Ferrol, A Coruña e Santiago para potenciar "un proceso participativo" de unidade

Por Europa Press / Redacción | Santiago de Compostela | 08/07/2016 | Actualizada ás 16:09

O Foro Galego insiste na súa idea de presentar unha candidatura de unidade para as eleccións galegas, previstas para o próximo outono. Para iso, celebrará a II xornada aberta da organización, o próximo 16 de xullo na Facultade de Ciencias da Comunicación de Santiago para abordar "asuntos de vital importancia".

O primeiro encontro, promovido por un grupo de persoas entre as que se atopan alcaldes da órbita nacionalista e outros nomes da sociedade civil, tivo lugar o pasado mes de maio co obxectivo de contribuír a "aumentar" unha candidatura de confluencia que chegue a gobernar en Galicia e "erradicar" as políticas do PP.

Nesta ocasión, o alcalde de Vimianzo (A Coruña), Manuel Antelo, sinalou tres puntos do día que centrarán a atención desta nova reunión, entre os que atopa unha reflexión sobre a primeira xornada e a avaliación dos procesos vividos nas pasadas eleccións xerais.

Así mesmo, o rexedor, quen deixou de militar no Bloque o pasado 26 de abril, indicou que contribuirán a "ampliar unha base social" que elabore unha candidatura para as eleccións autonómicas, e desta forma, facer posible un cambio político.

INICIATIVA ALCALDES

Por outro lado, o Foro Galego valorou a iniciativa dos alcaldes de Ferrol, A Coruña e Santiago para "crear un proceso participativo" e conseguir unha candidatura de "confluencia" que achegue propostas programáticas que logren cambios.

Outro dos puntos prioritarios que se tratarán o 16 de xullo será a creación dunha proposta "que baixe ao concreto", así como trasladar as liñas de traballo que "permitan facer políticas en clave nacionalista".

Segundo recordou o alcalde, o Foro "non é un grupo político", senón un espazo común composto por militantes de diferentes partidos que antepoñen sempre "un proxecto de país" aos seus intereses.

Temas: ELECCIóNS FORO GALEGO

5 Paco

Si, vas facer política en clave nacionalista desde a Marea, espera sentado

4 Mareome

Hai un mes marchaban para a Marea e agora xa critican á Marea e din que ten que sumarse o nacionalismo. Non se pode cambiar tanto nuns dias ainda co batacazo de Pablo pero que se pode espera dos transfugas

1 Caldelas

Aquele Vence que tanto defendestes até o ridículo hai uns días hoxe anda preparando CON 50 NOTABLES a saída do BNG. E van facer ruído, moito ruído... Acabou o experinento-chiringuito da UPG. Desta vai a vencida. E mira que algúns avisamos: coidado co Vence, coidado coa familia Nogueira!!! Agora vedes como vos venderon os ídolos de barro que tanto colaborastes en levantar. Parabéns polo unto!!!

2 Ponte

Eses notables xa non chegan nin a suficientes raspados ramon

3 Per

Lio nas mareas por todos lados, non queren primarias, agas Podemos e pode que algun sectror de Anova, non queren a Beiras,,, Podemos ao mellor vai pola sua conta,, e nese caso os sectores nacionalistas das mareas pedirian confluencia nunha alternativa galega co Bng e dirixida por Beiras.... eu abstención non quero Podemos nen o egolatra,, tampouco os outros

1 Centroeuropeo

Boa mostra do nihilismo polo que o PP vai gobernar polos séculos dos séculos. Algún psiquiatra debería definir este síndrome da esquerda galega: eterna adolescencia mental, obsesión con matar o pai, confusión dun partido (ferramenta política para mudar a sociedade) cun clube de ocio (para pasar o tempo cos amigolos, bebendo, fumando e dándolle á lingua).

2 Ana

Actualizádevos que a notícia é outra. Fin do BNG, comezo da UPG sen complexos. A xente que avisamos da estratéxia suicida e negadora do debate temos tristemente a razón. Por méritos propios os capitáns da UPG afundiron definitivamente o Bloque. http://www.sermosgaliza.gal/articul...

1 Farto de popes

Pero o transfuga este segue con que quere botar ao PP unindose ao podemismo que non quixo e non quere botar a Rajoy. Cando quededes de segundos despois de Leiceaga podedes facer o mesmo ofrecerlle unha presidencia honorífica e una supervicepresidencia con todas as competencias para o xuíz que escolleron os tres tenores.

1 Ana

E Leiceaga non é transfuga? E o mantido de radio Fene que agora é portavoz do Partido Podre? E Aymerich e Xesus Veiga que se foron? E Vence, Ana Miranda, Alba Nogueira, Tareixa Paz e Carne Adán que está na porta? Acho que no BNG tedes un sério problema coa língua..., e xa non digamos cos galegos. Tan puros de cara à galeria, tan oportunistas e vendidos à hora da verdade. E como xa conhecemos a raposa, desaparecedes mordendo!