A Xunta adxudica as obras de rehabilitación integral do CEIP Ramón de la Sagra (A Coruña)

A Consellería de Cultura, Educación e Ordenación Universitaria publicou a adxudicación da rehabilitación integral do CEIP Ramón de la Sagra na Coruña, segundo informa o departamento autonómico.

A esta actuación e ás que se realizarán da mesma natureza no CEIP Alfonso Rodríguez Castelao de Ortes e o CEIP A Magdalena das Pontes, a Consellería que dirixe Román Rodríguez destinará un total de 1,2 millóns.

En concreto, as obras van dirixidas a mellorar o comportamento térmico do centro "co fin de reducir a súa demanda enerxética e mellorar o seu confort". Para iso, segundo a Xunta, aplicarase un sistema de illamento térmico polo exterior do edificio e substituiranse as baixantes de pluviais por outras novas.