Falece unha muller ao precipitarse desde a ponte dos Santos, en Ribadeo (Lugo)

Unha muller perdeu a vida na tarde deste mércores despois de caer da ponte dos Santos, no termo municipal lucense de Ribadeo.

O corpo foi atopado na beira de Castropol polos socorristas da localidade e levado, posteriormente, ata o porto asturiano de Figueras.

O 112 Galicia informa de que recibiu a alerta do sucedido a través dun particular ás 16,10 horas. Indicaba que vira como unha muller caía desde a ponte e engadía que estaba a ser arrastrada pola corrente.

Acto seguido, o persoal do Centro de Atención ás Emerxencias 112 Galicia pasou o aviso á Policía Local, á Garda Civil, a Protección Civil, aos Bombeiros de Barreiros, ao servizo de gardacostas de Galicia e ás 061-Urxencias Sanitarias.

Tamén alertou do ocorrido a Salvamento Marítimo, que mobilizou o helicóptero 'Pesca II' para localizar á muller, aínda que, finalmente, foi anulado ao ser atopado o cadáver.