Detido un exmilitar por ameazar á súa parella cunha arma de fogueo en Tui
Tal e como indican fontes da Benemérita, conseguiuse reducir ao presunto agresor, que entregou a arma ás autoridades.
Por E.P. | SANTIAGO DE COMPOSTELA | 13/08/2018 | Actualizada ás 13:35
Un exmilitar duns 40 anos foi detido este domingo tras ameazar á súa parella cunha pistola de fogueo e atrincheirarse posteriormente na súa vivenda na parroquia de Malva, en Tui (Pontevedra).
Segundo informaron a Europa Press a Policía Local, o apresado tivo unha forte discusión coa muller. Nese momento, o home sacou unha arma para ameazala, tras o cal ela colleu á filla que teñen en común e escapou do domicilio. A parella logrou contactar cos axentes locais, que se fixeron cargo da nena ata que chegou a Garda Civil ao lugar no que o home permanecía atrincheirado.
Finalmente, tal e como indican fontes da Benemérita, conseguiuse reducir ao presunto agresor, quen entregou a arma ás autoridades. O exmilitar atópase detido nos Xulgados de Tui por un delito de violencia doméstica.
