A Deputación de Lugo mantén activo o seu dispositivo contra xeo e neve

O presidente da Deputación de Lugo, Darío Campos Conde, informou este luns de que o goberno provincial mantén activado o dispositivo de inverno co que facer fronte a incidencias relacionadas coas inclemencias meteorolóxicas na rede viaria provincial.

Ademais, co obxectivo de dar resposta ás incidencias xeradas por meteoroloxía, continuarase estendendo sal nas vías para garantir que non se formen placas de xeo, evitando o uso doutro tipo de fundentes máis agresivos coas estradas e co medio ambiente.

O dispositivo despregado pola deputación atópase dividido en 8 zonas da rede viaria provincial. Por cada unha delas hai 8 vehículos -2 máquinas quitaneves con cuña, 2 tractores adaptados con salero e cuña, 2 pick up, adaptadas con cuña e salero e 2 vehículos de apoio con medios mecánicos- e 14 operarios.

Ademais, cada empresa adxudicataria que atende a cada zona terá que dispor do dobre de medios, por si fose preciso utilizalos. A maiores, á parte desta maquinaria, o dispositivo tamén conta con varias máquinas do parque móbil como pas mixtas ou camións, que se engaden ao protocolo de actuación ése preciso.