Máis de 6.750 persoas se presentan para 76 prazas de camareiro limpador e axudante de cociña da Xunta
A Xunta di que se trata do proceso selectivo "da maior convocatoria simultánea de oposicións" que realiza.
Por Europa Press / Redacción | SANTIAGO DE COMPOSTELA | 27/01/2019 | Actualizada ás 15:03
Un total de 6.752 persoas participarán nas oposicións convocadas pola Xunta de Galicia para cubrir 76 prazas de persoal laboral fixo na categoría de camareiro limpador-axudante de cociña.
Tal como sinalou o Goberno galego nun comunicado, o vindeiro martes, día 29 de xaneiro, está prevista a publicación no Diario Oficial de Galicia (DOG) da resolución da Dirección Xeral de Función Pública pola que se aproban e fanse públicas as listas definitivas de persoas admitidas e excluídas nesta oposición.
A relación definitiva de persoas admitidas e excluídas estarán dispoñibles no portal web corporativo 'www.funcionpublica.xunta.gal'. No caso da lista das persoas excluídas figurará tamén como anexo da resolución que se publicará no DOG.
Segundo a Xunta, este proceso selectivo "forma parte da maior convocatoria simultánea de oposicións realizada polo Goberno galego nos últimos anos", que inclúe 18 procesos selectivos e un "importante" número de prazas.
