Acordo entre Máis Galiza e irmandiños

As correntes Encontro Irmandiño, independentes e Máis Galiza pecharon este xoves un acordo para presentar unha candidatura encabezada por Xosé Manuel Beiras, candidato a portavoz nacional, e Carlos Aymerich, como aspirante á Presidencia da Xunta.

“Se da Asemblea non sae un novo BNG, sairá unha nova forza que cubra ese espacio”

Por Galicia Confidencial | Composrtela | 19/01/2012 | Actualizada ás 17:22

Estas dúas grandes correntes apuntan nun comunicado conxunto que “entendendo que neste proceso é máis o que nos une que o que nos separa”, decidiron impulsar unha candidatura “conxunta, inclusiva e aberta” a persoas e grupos políticos de base que apoien un “!novo proxecto común para a rexeneración e refundación do BNG”.

Esta lista conxunta será liderada por Xosé Manuel Beiras, como candidato á Portavocía Nacional, e Carlos Aymerich, para a Presidencia da Xunta. Segundo fontes consultadas por GC, o que aínda non está prechado é a porcentaxe final das listas aínda que o resultado final podería aproximarse a un 60 a prol de Máis Galiza, que integraría tamén a xente vinculada a extinta Unidade Galega, quinanistas, Esquerda Nacionalista e Inzar, e un 40% para Encontro Irmandiño, que tamén daría entrada ao movemento de Teresa Táboas e ao PNG-PG.

Cuestións conflitivas

Outro dos puntos conflictivos das conversas dos últimos días foi a división do traballo dentro da Executiva se a lista é a gañadora da asemblea. Finalmente, e segundo estas fontes, a coordinación da Executiva podería recaer en mans de Máis Galiza, mentres que a de Organización sería para o Encontro Irmandiño. En todo caso, ambas as dúas correntes seguen discutindo polo miúdo estas cuestións.

Tanto EI coma Máis Galiza asumen como teses para o proceso asembleario do BNG o documento “Novo proxecto común, refundación e rexeneración do BNG” que ambas as dúas correntes pactaron a pasada semana e que estará aberto a a portes doutros colectivos independentes.

Por iso, fan un chamamento ao conxunto dos militantes a que participen masivamente na asemblea nacional dos vindeiros 28 e 29 de xaneiro para respaldar esta lista conxunta. “Somos conscientes da importancia do paso dado que resposta á demanda expresada por unha grande parte da base social do BNG e da súa contorna. Estamos convencidos de que esas demandas non se verán defraudadas”, suliñan no comunicado.

Nos últimos días, varios dirixentes e militantes nacionalistas insistiran na necesidade de que as dúas correntes chegaran a un acordo conxunto para tentar de vencer á UPG nese congreso. É a primeira vez que se dá un acordo entre as grandes correntes do Bloque, independentes e pequenos partidos para loitar contra a UPG polo poder interno desta formación.

Noticias relacionadas

“Se da Asemblea non sae un novo BNG, sairá unha nova forza que cubra ese espacio”

81 Sito

Como vai decidir a sociedade cando chimpa aos que están no machito: http://www.galiciae.com/?accion=ver... http://www.lavozdegalicia.es/encues... Tomen boa nota de en nome de que pobo falan os perdedores de votos...

80 marga glez

Menuda renovación con Beiras de portavoz nacional!!!!!!!!!!!! Seica non había niguén con máis anos, non sei porque a U non propuxo a Bautista e así todos contentos coa renovación. É vergoñento todo: descalificacións entre militantes de ambos bandos, todos os trapos suxos (inventados ou non) aireados...asi non se pode seguir polo tanto eu despois de 25 anos de militancia no BNG retirome e que vos vaia ben a todos e todas.

1 Xoelho

Marga, non se trata de cuestións de idade senón de POLÍTICA, de programas, de feitos, de como se fan as cousas, de non seguir como ata agora. ¿Okey, Mckey? ¿Ou é que ti estabas moi contenta co que pasaba nos tempos do "Quin" ou agora mesmo con Guilherme Vázquez? ¿Gústache como vai o BNG? Ademais, Beiras non vai presentarse para Presidente da Xunta. ¿Por que non vai poder ser Portavoz Nacional? E aínda que fose presidente da Xunta, ¿que problema habería?, ¿non está en posesión das súas plenas facultades? Seguro que ti estás encantada de como vai o BNG e de que como sempre goberne o PP. E se algun_a vez o BNG pode participar nun goberno co PSOE, o que hai que facer é desperdiciar a ocasión como a outra vez, cando vendo a TVG non se notaba o cambio de goberno.

2 non debin de nacer

Creo que estas duas intervencións son desmovilizadoras, ben. Viva o partido, viva Paco, viva a defensa das nóminas do partido e dos carguiños e cargazos polo ben da Pátria. Tedes que entendelo, é necesaria unha forza que machaque a calquera movemento antigalego, é necesaria a clarividencia do partido e o sometemento do adobo do arredor cheo de siglas valdeiras. Por Galiza.

3 Eu nunca serei yo

Bautista agora é o Home Saca-Untos e está moi ocupado.Ademais o Jorquera representao moi ben. Non te metas con Bautista que ser Saca-Untos precisa de moita dedicación.

4 non debin de nacer

Bautista dietista?.Creo que o de sacar unto é unha chamada aos asalariados do partido para que non se durman. De todas formas non haberá plato para todos, éche un problema. Xa me veñen as voces, voume deitar. Viva etc.

5 Eu nunca serei yo

Até che saiu unha rima : Bautista-dietista. Pois menudo chamamento... E logo ,os asalariados dórmense nos loureiros? Pobriños eles, levan duas semanas que non dan abasto. Non serás ti dos ilusos que pensas que van deixar que lle quiten o plato, pois non? Anda vaite deitar, que menuda maneira de trasnoitar.....!

6 non debin de nacer

Pois vexo pola xanela e hai sol, pero cando cambio a vista a outro lado en pouco tempo xa penso que e noite, bueno. Non, non creo que se durman, durmen despóis de gañar. Non sei se deitarme ou non. Viva Paco, a nómina, o carguiño, o cargo , o cargazo, o estatus que da Paco para poder dicir quen é ou non é galego, ostias, cántas cousas se xoga un asalariado do partido e o conto e que che pode poñer todo isto en contra e incluso acaba sendo un sevillano, para suicidarse. Viva o plato e a galaguidade prestada. As voces.

7 Eu nunca serei yo

Durmen despois de gañar, logo durmen. E o camarada Bautista vailles quitar o unto? O de sevillano non o entendo ben, pero por iso non te suicides que non paga a pena. Agora xa podes mirar polos dous lados que xa é de noite polos dous., e polas voces non te preocupes. Eche cousa do adotrinamento. Pregoa as voces canto queiras que agora ándanche moi ocupados agarrando dos platos.

8 non debin de nacer

O de sevillano non sei por qué o escribin, si cres que é normal. Isto escribino o domingo pero o mando hoxe, ou sexa que estou convencidísimo de que che escribin fai dous dias pero o fago agora. Estou feito un cristo. Saude.

79 265

265

78 v8p6

Os comunistas da UPG poderían presentarse cos comunistas de IU en coalición e, se sacasen o 5% dos votos, poderían obter representación.

77 Fernando

Final da Champions Galaica: 2 equipas. 2 histórias detrás, o PSG e a UPG. 2 modelos de organizaçom. 2 modelos de entender Galiza. 2 miras distintas: Sociedade Beiras, Organizaçom Paco Rodríguez. Quem necesita ser galeguiçada é a sociedade. É a minha opiniom. Eu nom voto. Que ganhem os melhores. E que remate esta história já.