ENQUISA | Que pactos de goberno apoias nos concellos?

Continúan as conversas, manobras e estratexias para formar gobernos en moitos concellos galegos, tras as eleccións municipais do pasado 26 de maio. Son moitos os municipios nos que terá que haber acordos para facilitar executivos estables, ben sexa pola vía da coalición de goberno para conformar maiorías absolutas, ou por pactos que permitan ás listas máis votadas sen maiorías absolutas tomar o bastón de mando con apoios puntuais doutras forzas.

As realidades locais poden, nalgúns casos, verse afectadas polas estratexias estatais dos partidos. Por exemplo, até que punto Ciudadanos debe apoiar o PP en municipios galegos, por imperativo da dirección do partido en Madrid, alonxada das particularidades dos concellos de Galicia? Debería tentar pactar o PSOE nalgún caso cos laranxas, malia o 'cordón sanitario' que lle puxeron os de Albert Rivera? Será o PP o socio preferente de Ciudadanos nos municipios, e o BNG o do PSOE, como teñen afirmado? Que papel deben xogar as debilitadas mareas? Vale calquera pacto por botar o PP dos concellos? Deberían deixarse de pactos nos consistorios nos que non houbo maiorías absolutas e deixar gobernas as listas máis votadas?

GC quere coñecer a opinión dos seus usuarios con esta enquisa, na que se presentan as principais alternativas post-electorais, a nivel de toda Galicia.