Que pasa en Galicia coa alimentación gandeira desde o comezo da guerra en Ucraína

A guerra en Ucraína disparou os prezos das materias primas para fabricar compostos (pensos) destinados á alimentación sobre todo de cebadeiros intensivos. Á parte, durante os primeiros meses da guerra, o trigo e millo ucraínos estiveron en almacéns até que se puideron exportar, xa cuns prezos elevados. Nese momento a UE tivo que flexibilizar algunhas normas de cara a permitir a entrada de materias primas procedentes doutros lugares, principalmente América. Doutra banda, sobre as materias primas agrarias tamén pendura o risco da especulación no mercado a futuros e as novas medidas que a UE quere introducir na importación desde determinados lugares do mundo.