O cantante mexicano Alejandro Fernández actuará o 6 de decembro no Coliseum da Coruña
Presentará o seu novo álbum 'Hecho en México', que se pon á venda este venres 14 de febreiro.
Por Europa Press / Redacción | Santiago de Compostela | 11/02/2020 | Actualizada ás 19:21
Alejandro Fernández regresa a España para presentar en seis cidades o seu novo álbum 'Hecho en México', que se pon á venda este venres 14 de febreiro.
As datas confirmadas son o 27 de novembro no Palacio de Deportes Martín Carpena de Málaga, o 28 no Recinto Feiral de Santa Cruz de Tenerife, o 5 de decembro no Bilbao Area Miribilla, o 6 no Coliseum da Coruña, o 8 no WiZink Center de Madrid e o 10 no Palau Sant Jordi de Barcelona.
As entradas estarán á venda este venres 14 de febreiro ás 12,00 horas en Ticketmaster e El Corte Inglés.
Ademais de España, o artista confirmou concertos por primeira vez en Londres e París, e unha extensa xira americana, sumado aos xa anunciados en México.
O seu novo traballo é un disco 100% mariachi, que contén once historias diferentes de amor e desamor, rendendo homenaxe a un xénero que soubo facer seu.
