'OnzaLab', a empresa galega que crece grazas aos dentes de ouro

As modas sempre volven. É o caso dos 'grillz', os dentes de ouro que se puñan os rapeiros nos anos 90 a modo estético e chulesco. Estas pezas, puxéronse de novo de moda con toda a nova onda da música urbana nada no 2015. O seu auxe chegou no 2019, cando artistas de renome internacional coma Travis Scott, J Balvin ou a catalana Rosalía usaban estas pezas.

A odontóloga Paula Prieto e o protésico dental, Tomás Alonso Cruz (alias 'Towi') viron un nicho de mercado. Ambos da Coruña e despois dunha etapa en Barcelona, decidiron crear 'Onza Lab'. Agora instaurados en Vigo, recoñecen ter un mercado máis amplio que o que había nos 90. "Inspirados por Paul Wall e fans da estética 'OG' do rap decatámonos de que podíamolo facer", sinala 'Towi' nesta entrevista.

Galicia Confidencial: Como naceu a idea de facer os 'grillz'?

Tomás 'Towi': A cousa empezou porque a miña moza é odontóloga e eu protésico dental. Era o combo perfecto para este traballo, a parte oral a súa e a técnica a miña. Fixenme unha peza para min 'destrangis' no curro. Era porque no 2017 unhas amigas miñas facían unha festa con temática hip-hop. Púxenme un 'durrack' (media que se poñen na cabeza os 'rapers'), a ropa máis ancha que tiña e os 'grillz' de cromo-cobalto. A xente flipou porque nunca os vira. Fun o MVP desa festa. 

Despois, houbo quen me dixo "isto gústame, quero un de ouro" e así comezou esta andaina. Busquei a alguén que me fundise o oro e abrín a conta de Instagram. Aí empezou a chegar a xente e tivemos bastante impacto. 

G.C: Só o facedes en ouro?

T.: Sí. É por mantenelo na sección de xoiería. En prata non se pode facer, porque se oxida e é perigoso levalo á boca.

G.C: Esta moda leva uns 30 anos vixente. Vós en quen vos inspirachedes para facelo?

T.: Hai unhas xoierías en New York, 'Trax NYC' e outra dun vietnamita en NY tamén, Jonny Dang. 

G.C: Vin que facedes pezas con diamentes. É hixiénico levalo na boca?

T.: As nosas pezas son de quita e pon. Hai que ter claro que é máis un complemento de xoiería que un tratamento dental. Polo tanto, para levalo hai que ter a boca saudable. Non cumpre as mesmas funcións que unha prótese feita nun laboratorio dental. 

Nós damos unha serie de recomendacións, coma non levalos a todas horas, xa que che te pode dar problemas na mordedura. Eu sempre o comparo con levar tacóns. É dicir, ningún podólogo vaiche a recomendar levar tacóns, pero a xente os pon por motivos estéticos.

G.C: Que tipo de xente demandas estas pezas?

T.: De todo. Si que me sorprendeu que lles gustan moito aos tatuadores. Penso que é porque eles non teñen que ter unha estética socialmente aceptada. O 'boom' tamén chegou cando os puxo xente coma Rosalía, artistas de trap, xente da moda, entre outros.

G.C: E en canto aos famosos que che pedisen 'grillz'?

T.: Os primeiros, aos que lles teño un especial agarimo, foron os rapaces de Damage Squad, de Barcelona. Neles estaban Lil Moss, Enry-k e Mishi. Lil Moss fixérase 8 abaixo e 6 arriba. Tamén lle fixemos a Sticky M.A, Royce Rolo ou Aleesha.

 

 

 

 

Ver esta publicación en Instagram

 

 

 

 

 

 

 

 

 

💛SIMUN💛 en oro amarillo de 18k 🦷 Solo bangers!✨ @mariasimun • 💛SIMUN💛 made with yellow gold 18k 🦷 Only bangers!✨ @mariasimun • #grillz #hechoenespaña #joyeria #jewelry #joyeriaespaña #onzalab #18k #oro #gold #grillzespaña #grillzbarcelona #barcelonagrillz #goldclub #silver #customjewel #rings #pendant #custom #dentistry #dentalart #dental #dentalcases #dentalcontent #identistry

Una publicación compartida de Grillz BARCELONA / VIGO 🇪🇸 (@onza.lab) el

30 Sep, 2019 a las 12:45 PDT

G.C: Que foi o máis esaxerado que che pediron?

T.: Hai xente que se fai do tirón 6 e 6. Logo, xente coma Mishi que se fixo a M de Mc Donald's ou unha diseñadora de moda que se puxo "simun" nos dentes de abaixo. Hai quen se empeza a animar coas pezas incrustadas e cos grabados, tamén pezas para as diastemas entre os dentes. Penso que no que podemos, estamos innovando en certos aspectos desta moda. A min sempre me gusta facer cousas novas e esaxeradas.

G.C: Entre canto oscila o seu prezo?

T.: O mínimo, que sería un dente e tendo en conta que traballamos con ouro de 18 quilates, é de 225 euros. O que máis vendemos son dous dentes, porque é máis económico e o par de dentes suxeitase mellor. Neste último caso o prezo é de 325 euros.

G.C: Como é o proceso para facer as pezas?

T.: Primeiro contactan con nós. Logo, quedamos con eles e facemoslle o molde. Moitas das entregas que temos son mediante envíos, xa que empezamos en Barcelona e eu alí teño moitos máis contactos. Ademais, penso que alí se leva moito máis que en Galicia.

G.C: Sodes pioneiros en Galicia?

T.: Aquí sí. No conxunto do Estado, en 2017, saimos coma 3 ou 4 que somos referentes. Ademais, antes de todos nós había un rapaz en Madrid, pero cunha movida máis orientada ao rap máis clásico.

G.C: Hai un auxe nos 'grillz'?

T.: Sí, desde que saiu esta oleada que che comentei. Antes o estilo era moi 'underground'. Penso que era un nicho moi pouco explotado e nós agora mesmo vivimos bastante grazas a isto. Non somos ricos, pero é un proxecto persoal. Espero que sexa coma as tatuaxes, que viñeron para quedarse.

G.C: Tes unha conta de Instagram bastante coidada. Como de importante é traballar as redes sociais no mercado?

T.: Sempre me felicitaron pola conta polas fotos dos productos e pola imaxe. Houbo quen me dixo que ata parecía unha gran marca, pero iso fíxome pensar. Non quero transmitir a idea de que somos unha gran industria. Nós somos unha empresa pequena e damos un trato persoal. Iso é o que quero reflectir nas redes. Tiven que ensinar un pouco a cara e personalizala.

G.C: Novos proxectos de 'OnzaLab'?

T.: Desde fai uns meses estamos facendo todo tipo de xoiería personalizada. Aneis, deseños 3D, cadeas, etc. Tamén queremos seguir impulsando novos deseños de 'grillz'.