Galicia repoboará os bancos marisqueiros con máis de 18 millóns de unidades de semente de ameixa

Galicia repoboará os seus bancos marisqueiros con máis de 18 millóns de unidades de semente de ameixa babosa e fina. Esta repoboación con especies autóctonas será realizada por sete confrarías e unha asociación nunha superficie de máis de 121.000 metros cadrados.

Segundo informa o Executivo, estas e outras accións están subvencionadas ao amparo da convocatoria de axudas a proxectos colectivos para a conservación e restauración da biodiversidade e dos ecosistemas mariños.

O Goberno galego, no marco da súa reunión semanal, tamén informou de que case 200 profesionais do marisqueo a pé e cinco embarcacións participarán na recollida de lixo mariño en Galicia.