Feijóo mantén a súa maioría absoluta en Galicia
O PP obtén 42 escanos e o BNG consolídase como segunda forza, con 19. O PSdeG sacaría 14 escanos e Galicia en Común quedaría fóra da Cámara galega.
Por Europa Press / Redacción | SANTIAGO DE COMPOSTELA | 12/07/2020 | Actualizada ás 21:09
O candidato do PPdeG á reelección como presidente da Xunta, Alberto Núñez Feijóo, revalidaría e aumentaría a súa maioría absoluta nas eleccións deste domingo, ao obter 42 escanos, co 98% do voto escrutado, un máis ca os que obtivera xa nas eleccións do 2016.
O BNG logra outro histórico 'sorpasso' ao PSdeG-PSOE e alcanza os 19 escanos, mentres que en 2016 quedouse como cuarta forza, con tan só seis prazas no Parlamento galego. Pola súa banda, o PSdeG-PSOE queda relegado a 14 escanos, os mesmos que obtivo nas anteriores autonómicas.
E batacazo histórico para Galicia en Común, a coalición que aglutina a Podemos, EU, Anova e algunhas mareas locais, non obtería representación, nin Marea Galeguista, a outra parte herdeira de En Marea e conformada tamén por Partido Galeguista e Compromiso por Galicia.
No seu début nunhas eleccións galegas, Vox non obtén representación no Parlamento galego, nin tampouco Cs.
