Aumenta o prezo da vivenda no primeiro semestre a pesar da crise do coronavirus
Os galegos deben dedicar unha media de 5,6 anos de soldo íntegro para facerse cunha vivenda en propiedade.
Por Europa Press / Redacción | Vigo | 21/07/2020 | Actualizada ás 16:51
Galicia encabeza o aumento do prezo da vivenda nova rexistrado durante o primeiro semestre de 2020 nas comunidades do norte peninsular, segundo os datos da Sociedade de Tasación publicados este martes.
Así, o prezo do metro cadrado na Comunidade galego aumentou un 1,6% respecto ao ano pasado e un 0,8% no que vai de ano, o que supón o crecemento máis alto entre as comunidades do norte de España. Con todo, Galicia ten tres capitais de provincia co prezo de vivenda nova máis baixo: Pontevedra (1.347?/m2), Lugo (1.455?/m2) e Ourense (1.568?/m2).
Pola súa banda, Santiago de Compostela experimentou unha subida dun 2,7% anual e un 1,2% semestral ata situarse nos 1.577 euros por metro cadrado; 241 euros menos que na Coruña (1.818 euros por m2). Este índice sitúase en Vigo en 1.227 euros por metro cadrado, en Ferrol en 2.528?/m2 e en Viveiro en 1.125?/m2.
Ademais, a Sociedade de Tasación destaca que entre os núcleos do norte peninsular analizados, tres concellos galegos son os municipios co metro cadrado máis barato en vivenda nova: Monforte de Lemos (786?/m2), Barco de Valdeorras (948?/m2) e Ames (1.093?/m2).
ANOS DE SALARIO
Por outra banda, segundo o informe 'Relación de salarios e a compra de vivenda en 2019' baseado nos datos do Índice Inmobiliario Fotocasa e a plataforma de emprego InfoJobs, os galegos deben dedicar unha media de 5,6 anos de salario íntegros para sufragar o custo dunha vivenda en propiedade.
Este índice reduciuse respecto do ano 2015, cando reflectía que os galegos necesitaban unha media de 6,2 anos para terminar de pagar a súa casa. Así, o baremo que reflicte o estudo de 2019 marca o índice máis baixo no último lustro.
