Compromiso da Xunta coa prevención de patoloxías laborais por sobreesforzo que afectan máis a mulleres

A Xunta súmase á conmemoración desde este luns da Semana Europea para a Seguridade e a Saúde no Traballo co compromiso de reforzar a prevención das patoloxías por sobreesforzo que afectan con especial incidencia ás mulleres traballadoras de sectores nos que se exercen cargas excesivas ou se manteñen posicións repetitivas.

Así, o Instituto de Seguridade e Saúde Laboral (Issga) aposta por reforzar os programas específicos de prevención para sectores con actividades desempeñadas principalmente por mulleres que, pola súa forma de traballar, presentan unha incidencia alta de trastornos musculoesqueléticos por sobreesfuerzo; en especial, polo levantamento de pesos ou a reiteración de posturas durante o traballo.

A Xunta mantén activos programas formativos específicos dirixidos a colectivos de mariscadoras, redeiras ou coidadoras de persoas dependentes, dos que se beneficiaron ata o momento máis de 300 profesionais. Por medio do Issga, ofrécese formación específica para cada sector e información sobre os mellores métodos de traballo e riscos ergonómicos.

Os accidentes laborais por sobreesfuerzos supoñen o 34,12% do total de accidentes en xornada laboral, sendo nas mulleres o 37,27%. Por sectores, abarcan desde un 17,69% na agricultura, ata un 36,12% nos servizos, con valores intermedios na construción (31,89%), industria (33,81%) e a pesca (34,98%).

Como membro da Rede Española de Seguridade e Saúde no Traballo, o Issga contribúe á difusión das mensaxes no campo da Semana Europea para a Seguridade e Saúde no traballo, que este ano se celebra coa lema 'Traballos saudables: Relaxemos as cargas', que ten por obxecto promover unha idónea cultura da prevención de riscos.

Mariscadoras na praia de Lourido (Pontevedra). XUNTA - Arquivo