Novo ano e primeiro lume no Parque Natural do Xurés en pleno inverno

Un incendio forestal rexistrado na tarde do domingo e que quedou extinguido de madrugada calcinou un total de seis hectáreas no Parque Natural Baixa Limia-Serra do Xurés, concretamente no termo municipal de Entrimo (Ourense).

Segundo informa a Consellería do Medio Rural, as chamas, orixinadas na parroquia da Pereira, quedaron apagadas ás 00,57 horas deste luns tras queimar seis hectáreas de monte raso. No seu control mobilizáronse en total dous axentes e tres brigadas, indica Medio Rural.

Incendio no Xurés | Fonte: EP