As familias das persoas encarceladas esixen a restitución dos “vis a vis”

Abaixo os muros e Ceivar denuncian que continúan a vulnerarse os dereitos das persoas

presas e das súas familias e solicitan a restitución dos 'vis a vis' como parte do "garante da saúde das persoas presas e das súas familias".

Estas demandas débense a que o pasado martes, 2 de febreiro, a Secretaría Xeral de Institucións Penitenciarias, nun escrito remitido a todos os centros penitenciarios, recomendou suspender durante 15 días as comunicacións e os permisos de saída dos presos ante o repunte de positivos de Covid-19 entre presos e traballadores.

 

Por isto, as familias dos presos esixen, ademais de poder ver aos seus encarcelados, medidas compensatorias por todos os meses que levan privadas deste dereito, "sen recibir

información específica do porqué desta medida", sosteñen.

 

Por outra banda, entenden que estase utilizando a saúde coma un pretexto para recortar dereitos e esixen explicacións á Dirección da Prisión da Lama ante as faltas de responsabilidade colectiva: "carecer de persoal médico, medida que suplen co traslado ó servizo de Urxencias do Hospital, aínda que ás persoas presas se lles nega de xeito sistemático, poñendo en perigo á súa saude", defenden as familias denunciantes, que insisten en manter o anonimato.