Xulgado por vender drogas en Carballo durante o confinamento
Por un delito contra a saúde pública, a Fiscalía solicita cinco anos de cárcere para o home en relación a uns feitos que ocorreron en aril de 2020.
Por E.P. | SANTIAGO DE COMPOSTELA | 13/02/2021 | Actualizada ás 16:19
A sección segunda da Audiencia Provincial da Coruña celebrará o mércores, día 17, o xuízo contra un home acusado de vender droga durante o confinamento, segundo informa o Tribunal Superior de Xustiza de Galicia (TSXG).
Por un delito contra a saúde pública, a Fiscalía solicita cinco anos de cárcere para o home en relación a uns feitos que ocorreron o pasado mes de abril.
No seu escrito de cualificación, o Ministerio Público indica que sobre as 22,55 horas do 25 de abril do ano pasado o acusado atopábase a bordo dun vehículo, un BMW, estacionado no lugar do Monte, na localidade de Carballo.
O vehículo chamou a atención de axentes da Garda Civil ao ver que se situaba en paralelo con outro coche, a pesar de estar restrinxido nese momento a circulación de vehículos e persoas pola declaración do estado de alarma.
Por ese motivo, os axentes achegáronse aos coches, dándose á fuga uno dos condutores. Ao acusado, atopáronselle tres anacos de haxix de 12,71 gramos de peso, que dixo que era para o seu consumo, ademais de varios paquetes de resina de cannabis.
