Cobrou 5.000 euros por xestións inexistentes: avogado xulgado por estafa
A vítima confiaba en obter a súa pensión vitalicia cando o avogado solicitaba cartos por trámites falsos.
Por Europa Press / Redacción | Ourense | 30/03/2025 | Actualizada ás 11:17
A Audiencia Provincial de Ourense acolle este xoves o xuízo contra un avogado que se enfronta a un ano de prisión por estafar a unha clienta máis de 5.000 euros. Segundo recolle o escrito de Fiscalía, o avogado foi contratado pola muller nun procedemento de Seguridade Social no que pretendía que lle desen a incapacidade permanente total e a percepción da pensión vitalicia correspondente. Que lle foi recoñecida por sentenza en 2017.
Contra a sentenza, a TGSS e o INS presentaron recurso de suplicación que estimou o TSXG. Ante isto, o avogado presentou un escrito para anunciar que realizaría un recurso de casación para a unificación de doutrina ante o TS. Así, o avogado "a propósito de que non ía presentar o citado recurso de casación para unificación de doutrina, con ánimo de obter un enriquecemento inxusto", fixo crer á muller que o procedemento seguía os seus trámites.
Desta forma, esixiulle determinadas cantidades de diñeiro para trámites que "nunca realizou": 1.500 euros para provisión de fondos para gastos derivados de recuso de casación por unificación de doutrina tramitado ante o TS; 1.495 euros, en concepto de pago da segunda fase de recurso de casación; 1.525 euros en concepto de procedemento ante TSXG e TS, así como 900 euros por un informe pericial. Por todo iso, o Ministerio Público pide un ano de prisión por un delito de estafa e inhabilitación especial para o desempeño da profesión de avogado polo tempo da condena.
