Rueda sobre a "operación Cuíña": "Cando saibamos o que quere, valoraremolo"

O presidente da Xunta, Alfonso Rueda, quitou ferro este luns á posibilidade de que o ex alcalde de Lalín, Rafa Cuíña, ex militante popular e fillo dun dos pesos pesados deste partido durante a etapa de Manuel Fraga, Xosé Cuíña, volva ao PPdeG. "Habería que preguntaller a Cuíña se ten esa vontade --a de volver ao seu ex partido--, ou non, e unha vez que o saibamos, pois a valoraremos", dixo ao respecto.

Referiase o presidente galego a positiblidade de que Cuíña poida pedir o seu reingreso no Partido Popular e aceptar algún cargo na Xunta como así queren dirixentes do PP en Lalín. Unha situación que, polo momento, descartou o propio afectado en declaracións a Galicia Confidencial, aínda que non pechou a porta a ningunha opción. 

"Non. Absoltutamente non. Non hai nada diso. Ecantanme os negocios --dirixe unha empresa familiar--", suliña Rafa Cuíña, actual dirixente de Compromiso por Lalín en declaracións a Galicia Confidencial.  "Estou moi tranquilo e sigo á fronte de Compromiso, pero nunca se sabe que pode pasar en dous anos", puntualiza. "Pero non adico nin un segundo máis a eses rumores", zanxaba.

Con todo, Cuíña recoñece que a súa relación co alcalde popular de Lalín, Xosé Crespo, ex delfín do seu pai na alcaldía, "mellorou moito". "Non vou negar que lle teño aprecio... A relación con el mellorou cando fomos a Arxentina, arreglamos, e agora non estou co coitelo nos dentes", indica.