Suspendidas este venres actividades no exterior dos centros educativos afectados pola alerta laranxa por fortes ventos
Por E.P. | Santiago de Compostela | 18/02/2021 | Actualizada ás 18:45
A comisión escolar de alertas decidiu suspender toda a actividade no exterior nos centros educativos situados nas zonas afectadas polo aviso de nivel laranxa por fortes ventos que afectará a Galicia este venres.
En concreto, segundo trasladaron desde a Axencia Estatal de Meteoroloxía e Meteogalicia, o fenómeno adverso deixará refachos de ventos superiores aos 100 quilómetros por hora e afectará a partir das 12,00 horas ao oeste e suroeste da Coruña e estenderase, a partir das 18,00 horas, a toda a provincia de Pontevedra, a Mariña Lucense e a montaña de Ourense.
A autoridade educativa comunicará a situación ás direccións dos centros escolares afectados, que serán os encargados de facer efectiva a medida e realizar un seguimento dos partes meteorolóxicos mentres dure o adverso meteorolóxico.
Doutra banda, déixase en mans das direccións a responsabilidade de decidir sobre a suspensión das actividades extraescolares no caso de que as circunstancias do seu concello evolucionen ata supor un risco superior ao declarado.
