Investigado como autor dun incendio ao fuxirlle unha queima autorizada

A garda civil de Verín tomou declaración en calidade de investigado a un home de 76 anos, veciño de Cualedro, como presunto autor dun incendio por neglixencia.

Segundo relata, o 17 de marzo o home provocou supostamente un incendio forestal ao descontrolarse unha queima autorizada, pola que resultaron afectadas unha hectárea de monte arboledo e 20 áreas de monte raso. O presunto delito está a ser investigado polo Xulgado dous de Verín.

Incendio tras unha queima | Fonte: EUROPA PRESS - Arquivo