Paraugas para incentivar a lectura

O Premio Novela Europea Casino de Santiago repartirá 1.500 paraugas por establecementos da cidade para difundir as obras finalistas e incentivar a lectura entre a poboación.

Os promotores do certame presentaron a iniciativa este luns en rolda de prensa, nun acto que contou coa presenza da edil Mercedes Rosón ou o conselleiro de Cultura, Educación e Universidade, Román Rodríguez, entre outros.

Os paraugas contarán coa imaxe das portadas das novelas finalistas e das caras dos escritores e repartiranse por librarías, bibliotecas e establecementos comerciais de toda a cidade.

Campaña do Premio Novela Europea Casino de Santiago. CASINO SANTIAGO | Fonte: Europa Press