Aspanaes estima que "despois do verán" estará en marcha o centro turístico e asistencial do Monte do Gozo
A Xunta asina o convenio por 140.000 euros para a rehabilitación exterior dunhas instalacións que darán servizo a 50 usuarios.
Por E.P. | SANTIAGO DE COMPOSTELA | 27/04/2021 | Actualizada ás 17:31
O presidente da Asociación de Pais de Persoas con Trastorno do Espectro Autista (Aspanaes), Ignacio Labella, estimou este martes que "despois do verán" podería estar xa en servizo o centro turístico e asistencial do Monte do Gozo, en Santiago de Compostela.
Así o ratificou despois de asinar o convenio de colaboración co vicepresidente primeiro da Xunta, Alfonso Rueda, polo cal a Administración, a través da Axencia Turismo de Galicia, se comprobete a destinar case 140.000 euros para urbanizar a contorna destas instalacións situadas no antigo cámping.
Tras a firma, o presidente de Aspanaes trasladou aos medios de comunicación que estas obras durarán "entre tres semanas e un mes" e asegurou asegurar que, aínda que non hai data concreta, "despois do verán" podería estar xa en marcha este servizo.
O acordo permitirá mellorar o patio interior do edificio, a terraza, o antigo punto de recepción, os antigos vestiarios e o almacén, ademais de instalar iluminación exterior. Este novo convenio é a continuación dun previo alcanzado entre Turismo de Galicia e Aspanaes en 2019 para ceder este edificio que levaba máis de 10 anos en desuso e habilitar nel un centro de atención diúrno turístico con capacidade para 50 usuarios.
O acondicionamento deste edificio, que previamente se atopaba en estado de abandono, forma parte dos traballos acometidos por Turismo de Galicia para reactivar o complexo do Monte do Gozo.
