A Garda Civil de Sanxenxo rescata do mar o cadáver dun home que estaba pescando nunha zona de pedras

A Garda Civil rescatou o corpo sen vida dun home de 55 anos que, segundo os primeiros indicios, estaba pescando nunha zona de pedras do municipio de Sanxenxo.

Segundo fontes próximas ao suceso, unha patrulla de Seguridade Cidadá que realizaba tarefas de control na zona da Lanzada foi alertada ás 16,20 horas deste martes de que unha persoa caera á auga mentres pescaba.

Desprazados ao lugar, unha zona de pedras situada entre A Lapa e Espiñeiro onde avistaron unha peza amarela na auga, un dos axentes lanzouse ao mar e recuperou o cadáver do home.

A vítima tiña 55 anos e era veciño de Noalla, no termo municipal de Sanxenxo.

Axentes da Garda Civil | Fonte: Ministerio do Interior.