Ilustración e feminismo na edición de primavera de Compostela Ilustrada
Celebrarase do mércores 5 ao sábado 8 de maio.
Por E.P. | Santiago de Compostela | 28/04/2021 | Actualizada ás 20:15
A concelleira de Acción Cultural, Mercedes Rosón, presentou este mércores a edición de primavera de Compostela Ilustrada, protagonizada por mulleres e que se desenvolverá do mércores 5 ao sábado 8 de maio. Estivo acompañada por Gemma Sesar, coordinadora das actividades.
Nesta edición de primavera están programadas 13 actividades que, en palabras da edila, "mesturan ilustración e feminismo". "Trátase de reflexionar, reivindicar, crear; a través da ilustración, do debuxo e do cómic. De pór en valor o papel da muller no pasado, no presente e no futuro", remarcou.
Todas as actividades, que se desenvolverán no Auditorio do Museo das Pregrinacións, son gratuítas.
Os interesados teñen que inscribirse na web de 'Compostela Ilustrada'. Seguiranse en todo momento os protocolos de seguridade establecidos fronte á pandemia.
