Ribeira Sacra ou "Orilla sagrada"? O desacerto de Carrefour que causa indignación nas redes
A compañía decidiu traducir a denominación de orixe ao castelán nun supermercado da Coruña.
Por Galicia Confidencial | SANTIAGO DE COMPOSTELA | 26/05/2021 | Actualizada ás 11:52
As redes sociais poñen o foco no desacerto que a cadea francesa Carrefour vén de protagonizar a respecto dunha das denominacións de orixe máis coñecidas do viño galego. Mentres que nos EEUU o termo "Ribeira Sacra" é empregado con asiduidade polos coñecedores do viño, a marca francesa decidiu traducir a fórmula para que os compradores dun supermercado ás aforas da Coruña non tiveran dúbidas.
Un recurso que vén de prender a polémica nas redes sociais e que mesmo levou á compañía a retirar o cartel, segundo apuntaron.
Orilla sagrada?
— Marinela 🐝 (@nelaguinho) May 23, 2021
En serio, @CarrefourES ? pic.twitter.com/arHcH6pIES
Muchas gracias por ponerte en contacto con nosotros. Ayer se traslado al hipermercado de Alfonso Molina y ya han procedido a quitar la cartelería. #JuntosParaAyudarte
— Carrefour Responde (@CRFresponde) May 23, 2021
A publicación foi respondida por diversos usuarios que manifestaron o seu rexeitamento á tradución.
Tremenda vulgaridade, por non dicir paletada máxima. Nin de broma volvo comprar nesta empresa, a vindeira vez que vaia devólvolles a tarxeta.
— Tonho Pgz (@tonhopgz) May 23, 2021
Costillas del Ródano, y tan anchos!
— Gabriel Gómez Estévez (@GabrielGEsteves) May 24, 2021
