Interceptado en Ferrol o condutor dun patinete que ía en dirección contraria e cuadriplicaba a taxa de alcol
Compútase só como infracción administrativa, cunha multa de 500 euros, que tampouco detrae puntos ao non esixirse para a condución deste tipo de medios de transporte carné.
Por E.P. | SANTIAGO DE COMPOSTELA | 22/06/2021 | Actualizada ás 20:23
Axentes da Policía Local de Ferrol interceptaron na tarde do pasado luns ao condutor dun patinete eléctrico que circulaba en sentido contrario pola rúa Río Porto, no barrio de San Xoán.
O home cuadriplicaba a taxa de alcol (1,06 miligramos de alcol en litro de aire expirado), pero non se pode aplicar esta norma, xa que os patinetes eléctricos non están considerados nin vehículos a motor nin ciclomotores.
Por tanto, compútase só como infracción administrativa, cunha multa de 500 euros, que tampouco detrae puntos ao non esixirse para a condución deste tipo de medios de transporte carné. Esta persoa utiliza este sistema de mobilidade por carecer de carné de conducir, tras térselle retirado precisamente por dar positivo en probas de alcoholemia.
