Extinguido o incendio forestal de Rois tras queimar 15 hectáreas
Inicialmente, e nunha primeira estimación, situáronse en 20 hectáreas as afectadas.
Por Europa Press / Redacción | SANTIAGO DE COMPOSTELA | 01/09/2021 | Actualizada ás 16:54
O incendio forestal rexistrado no concello coruñés de Rois, na parroquia de Leroño, quedou extinguido e afectou a 15 hectáreas segundo as últimas medicións efectuadas con GPS, segundo informa a Consellería de Medio Rural. Inicialmente, e nunha primeira estimación, situáronse en 20 hectáreas as afectadas.
O lume que se iniciou ás 17,41 horas da tarde do martes e que quedou estabilizado ao redor das 22,40 horas e controlado ás 16,12 horas deste mércores. No seu control, participaron, ata o momento, tres técnicos, dez axentes, 21 brigadas, 13 motobombas, 4 pas, catro avións e seis helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que se debe chamar en caso de detectar algún lume forestal. Ademais, lembra que existe un número teléfono anónimo e gratuíto se se sospeita dun delito incendiario, o 900 815 085.
