A Xunta emprega os orzamentos de 2022 para cargar contra o Goberno central

Lugo con 4.926 euros per cápita e Ourense con 4.809 volven ser as provincias con maior investimento previsto nos orzamentos da Xunta para 2022, fronte aos 3.760 que percibirá A Coruña e 3.584 de Pontevedra. Respecto ao volume de gasto, as que reciben maiores contías son A Coruña e Pontevedra, con 4.222 e 3.3379 millóns de euros respectivamente, mentres a Lugo correspóndenlle 1.611 millóns e a Ourense 1.470.

"Nós si que apostamos polas provincias que necesitan máis cohesión territorial", reivindicou o novo conselleiro de Facenda, Miguel Corgos, en rolda de prensa no Parlamento tras entregar o proxecto de contas públicas ao seu presidente, este mércores. Neste sentido, Corgos contrapuxo esta aposta pola cohesión con "o que fai o Goberno central" cos fondos de resiliencia, dentro do plan de recuperación.

En 2021, as cifras de investimento por habitante eran inferiores para o catro: 4.704 euros per cápita en Lugo, 4.461 en Ourense, 3.633 na Coruña e 3.439 en Pontevedra.

O conselleiro de Facenda e Administración Pública, Miguel Corgos, entrega ao presidente do Parlamento de Galicia, Miguel Anxo Santalices, o Proxecto de Orzamentos de Galicia para 2022. XOÁN CRESPO | Fonte: Europa Press